மாவீரர்

நினைவில் இருத்தி நினைவு கொள்ளும்
இறந்து போன நிஜங்கள் அல்ல
கனவில் வந்து காட்சி தந்து
காரியம் செய்யும் கற்பனை அல்ல
உயிரை கொடுத்து உரிமை காத்த
உத்தமர் நீங்கள் எம்
புத்திரர் நீங்கள்


விட்டு வந்தோம் விதைத்து வந்தோம்
கண்ணீர் மழைக்குள் கரைத்து வந்தோம்
தொட்டு பார்த்த சுகங்கள் அனைத்தையும்
தொலைவில் அங்கே புதைத்து வந்தோம்
விட்டு வந்து நினைவு இங்கே
குத்தும் முள்ளாய் குடைந்திருக்க
அச்சம் நீக்கி அரியனை ஏற்ற
அழைப்பு வைப்போம் எழுந்து வாரீர்


கருவாய் இருத்தி மூச்சாய் சுமந்தீர்
காவல் வீரராய் காட்சி தந்தீர்
எம்மை காக்க உம்மை கொடுத்தீர்
எதிர்த்து வந்த பகைவன் மீதே
எரிமலையாய் வெடித்து மறைந்தீர்


உம்மை எண்ணி குழுங்கி அழ
எங்கள் நெஞ்சில் ஈரம் இல்லை
குனிந்த தலைகளை நிமிர்த்தி இன்று
உறுதி செய்வோம் எழுந்த வாரீர்
எடுத்து வைத்த அடி இருக்க
எழுந்து நடக்க உணர்வு தாரீர்