சாட்சி

எங்கள் கருவறைகள் சிதைக்கப்பட்டு
நாங்கள் வன்புணரப்பட்டோம் - இருந்தும்
அழுவதை தவிர்த்துக் கொண்டோம்

எங்கள் கண்கள் பிடுங்கப்பட்டு
நாங்கள் குறுடர்களாக்கப்பட்டோம் - இருந்தும்
வலிகளை தாங்கிக் கொண்டோம்

எங்கள் குரல்வளை நெரிக்கப்பட்டு
நாங்கள் அடிமைகள் ஆக்கப்பட்டோம் - இருந்தும்
கூச்சலிட மறுத்துக் கொண்டோம்

நாங்கள் மரணத்துள் வதைக்கப்பட்டும்
இன்னமும் வாழ்ந்து கொண்டிருக்கிறோம்
உங்கள் விடுதலையின் தேவைகளை
உணர்த்தும் உலகின் கண்
'' சாட்சிகளாய் ''